Hæ. 

 

Var búin að lofa að setja inn myndir af tryllitækinu og geri það hér með. Þessi bíll er dásamlegur og ég það að spara fyrir honum öll árin borgar sig sko margfalt í ánægju á hverjum degi!

Á myndunum sjást líka fallegu haustlitirnir sem eru að koma í ljós núna. Verst að myndgæðin eru léleg því þetta er tekið á símann minn, en ég skal setja inn betri myndir þegar ég er komin með almennilega myndavél.

Annars er allt fínt að frétta. Var að koma af vakt og á 2 eftir í þessari viku. Svo hægist aðeins á vöktunum næstu 4 vikurnar þar á eftir. 

Njótið tilverunnar, til þess er hún!

Melkorka.

Takið eftir haustlitunum.

Vígalegur!

Flottur!

Á Dover Road (heima)

Fallegt tré.

Hæhó.

Miðstöðin komin í lag og gott að koma heim í hlýja íbúðina. Já, akkúrat, var að koma af vakt. Er eiginlega soldið þreytt enda mikið að gera þessa nóttina og ég lagði alls inn 7 sjúklinga. En allir lifðu af nóttina sem er jú víst takmarkið! 

Hérna er orðið afar fallegt úti. Haustlitirnir eru í algleymingi og það er sko greinilega ástæða fyrir því að Nýja-England (sem Connecticut tilheyrir) er frægt fyrir haustliti (foliage). Rautt, gult, grænt, brúnt og allir tónar þar á milli. Svo þegar sólin skín á trén mætti halda að laufin lýstu! Ótrúlega fallegt. Ég er mjög ánægð með hvað náttúran hér er falleg. Var hrædd um þegar ég flutti að sveitastelpan í mér yrði vansæl. Að vísu jafnast ekkert á við Kaldaðarnes og Kotferju (sveitina mína fyrir austan fjall) en þetta er bara alls ekki eins slæmt og ég óttaðist.

Það hafa margir stoppað mig á göngunum á spítalanum og spurt mig spjörunum úr varðandi fjárhagskreppu/vanda okkar Íslendinga. Veit eiginlega ekkert hverju ég á að svara svo ég reyni af fremsta megni að snúa mig útúr því að svara. Besta ráðið hefur mér reynst vera að spyrja fólk hvað því finnist um komandi kosningar hér í USA. Það hefur enn ekki brugðist að við það gleyma allir litlu eyjunni í norðri.

Ég vona að þið farið öllsömul vel með ykkur og njótið nú lífsins í botn!!!!!

Knús, Melkorka.

Soldið kaldhæðnislegt en kyndingin í íbúðinni er biluð. Líður eins og ég búi í frystihúsi!. Ekki svo kalt úti, samt ca 5 gráður celcius en ég nýti sko íslensku flíspeysurnar og bráðum lopapeysurnar líka!

Skal reyna að skella inn mynd af bílnum og íbúðinni eins fljótt og ég get. Er reyndar núna að fara í smá heimsókn til eins af kennurunum mínum, hún á hús í um 1,5 klst fjarlægð og við erum að fara þrjár (ég, ein stelpa af 2.ári og ein af 3.ári). Planið er að nota daginn til að skemmta okkur og borða. Ekki slæmt ha!

Farið þið nú öll varlega og tapið ykkur ekki í fjárhagsáhyggjum. 

Knús, ykkar Melkorka.

Hæhó. Var aftur að koma af vakt. Sjáið þið nokkuð mynstur í þessu? Blogga bara eftir vaktir, hehehe. Skal bæta það. En vaktin var bara ágæt fyrir utan nokkrar léttgeggjaðar mömmur. Á frí á morgun (sunnudaginn), jibbí! Skrapp í spinning í morgun eftir vinnu og skemmti mér mjög vel. Svo fór dagurinn að mestu í útréttingar, borga reikninga og slíkt. Þvoði líka bílinn minn ástkæra og hann er ennþá flottari á eftir! Það var mikið rætt um stjórnmál í vinnunni í gær. ALLIR hafa mjög ákveðnar skoðanir og endalausar rökræður spinnast. Gaman að hlusta en verð nú samt að segja að persónulega finnst mér hvorugur kosturinn álitlegur. En nóg um þetta, ætla sko ekki að fara að ræða stjórnmál hér (né annars staðar).  Hef verið að fylgjast með málunum heima svona úr fjarlægð. Maður gerir sér örugglega ekki alveg grein fyrir ástandinu sitjandi hér í miðri Ameríku, en vona bara heitt og innilega að málin bjargist fyrir horn héðaní frá.  Verð að segja ykkur aðeins frá leigjendunum mínum. Húsið allat á níræða ekkjan sem býr á neðri hæðinni. Hún er ágæt en passar vel uppá sitt, sérlega peningana! Synir hennar tveir eru afar sérstæðir. Held að best sé að líkja þeim við Klaufabárðana (fyrir þá sem eru nógu gamlir til að muna e þeim). Það stendur ekkert sem þeir ætla sér. Er enn að bíða eftir að annar þeirra setji upp loftljósið í stofunni (4 mán síðan hann ætlaði að gera það!) og hinn var búinn að lofa að helluleggja aukablett svo hann gæti hætt að leggja fyrir aftan mig og króa mig inni. Lenti einu sinni (þó bara x 1) í því að hann lagði svo þétt upp við Hummerinn að ég varð að banka til að vekja gaurinn kl. 6 að morgni! En haldiði að hann hafi vaknað þótt ég berði hurðina (laust-fastar-enn fastar-brjálæðislega) í ca 10 mín. ONEI! Hann steinsvaf bara! Endaði á því að ég tróð mér framhjá bílnum hans og ók yfir garðinn til að komast í vinnuna. Lýg því ekki það voru ca 4cm sitt hvoru megin við bílinn minn! ORRRRGGGGG hvað ég varð reið! Eins gott fyrir hann að ég hitti ekki á hann fyrr en um 3 d síðar. Þá fékk hann nú samt að heyra það og síðan hefur hann alltaf lagt vel til hliðar og ekki beint fyrir aftan mig.  Og líka eins gott fyrir hann!!!!! Jæja held ég hafi þetta ekki mikið lengra í bili. Sakna allra og alls heima. Veðursins (ótrúlegt en satt), hreina loftsins, góða vatnsins og síðast allrahelst fólksins míns!  Knús til allra, Melkorka.

Jæja. Þá lét ég loks verða af því og opnaði bloggsíðu. Veit ekki alveg hvað ég á að skrifa hérna en mér leggst örugglega eitthvað til.

Var að koma heim af vakt og óvenju spræk, enda náði ég að leggja mig í um 4 klst samtals sem að ég held að sé met fyrir mig hingað til! Ekkert og uppí 2 klst er algengast. Á þessum vöktum mæti ég kl.6:30 á morgnanna og fer síðan heim um kl.12:30 daginn eftir. Þetta er bara fínt og venst vel. Segi ekki að ég sé ekki soldið mygluð ef ég næ ekkert að sofa. En þá leggur maður sig bara aðeins. 

Ég veit ég hef verið rosalega löt að skrifa ykkur öllum, en ætla að reyna að bæta fyrir það hérna. Líf mitt er ákaflega misspennandi en þið verðið bara að þola það. 

Það er óneitanlega tómlegt að koma alltaf heim að tómri íbúð, en það venst og sem betur fer er ég ekkert svo mikið hérna nema aðallega til að sofa og hvílast milli vakta. 

Mér líkar afar vel við allflesta krakkana í bekknum. Gaman að kynnast nýju fólki og siðum. Bekkurinn minn er óvenju mikið blandaður, þe álíka margar stelpur og strákar en í flestum bekkjum eru mun fleiri stelpur. Mér er sagt að barnalæknisfræði sé stelpu/konufag hér í USA. Skil það ekki alveg, nema jú, stundum, þegar bekkjasystur mínar tapa sér í gússígússígússí gælum við sjúklingana. Kannski er ég kaldlynd en mér finnst þetta bara halló!

Annars sakna ég ykkar allra heima ferlega mikið! En ég kem aftur! Þið eruð sko alls ekki laus við mig enn!